Maamu's management funde

I am starting this post as a regular column. Most Indians are subjected to management writing which is very Western, academic and serious. So why not look at maamu who has such a racket going to understand the art and science of management.

Ckt: eh mamu, yeh strategy kya hota hai
Mamu: ckt to faltu mein short ckt ho raha hai. Dekh mein simply samjhata hoon.
Ckt: Aajkal koi bhi strategy use karta hai baap. kal woh malaika mtv mein shopping strategy ke baare mein bak rahi thi.
Mamu: Dekh simple si baat hai, jiski chaddi badi uski strategy, ("strategy depends on who says it")
Ckt: bole to , main strategy nahi soch sakta kya
Mamu: Nahi bhidu, to soch sakta hai, sablog sochte hai , woh raste ka pandu , baju ki vimla sab log strategy sochte hai ...lekin unko woh bhaav nahi milta ...
Ckt: bole to, strategy bahut simple hota hai kya? matlab kam me lo , jyada mein becho; jyada riks wala kaam mat karo, jo janta ko chahiye woh karo....?
Mamu: Bilkul sahi jawab ckt... lekin duniya mein ek asool hota hai.. bade pahle khaate hai.. abhi tu apna example lele... abhi main sab cheez sochta hoon aur tu jaake execute karta hai ... matlab mein strategy banata hoon aur mujhe loot ka hissa pehle milta hai or credit bhi milta hai...
Ckt: lekin baap tumhe kabhi kabhi pata nahi rahta hai bandra ke kaunse sadak mein police nahi rahti jaha main kisa ka kharchapani de re ha hoon...
Mamu: usse farak nahi padhtha hai...woh sab operational details hai jiske liye tere jaise stud ko rakha hai.. corp world mein bhi yahi hota hai...aise log hota hai jinki gaadi badi hoti hai, position c ya v se shuru hoti hai , unhone either 10-15 saal ghisaya hai ye solid maska maara hai... to woh sochte hai strategy... kabhi kabhi unko yeh sab daaru peete samay ya office mein baithke ya chaar paach magazine padhke ya biradiri ke logo ko milne se chamakta hai..... tere paas woh time nahi rahta ki to yeh sab kare gay..isliye tereko sunna padtha hai...
Ckt: samajh gaya mamu... matlab bade log jab bakwaas kare ya ekdum simple baat kare to woh ban jaati hai strategy... aur humare jaise chote log ko jaldi se bada banna chahiye....taaki hum bhi kam kaam kare, bahut daru piye, bade logo se mile aur strategy banaye...
Mamu: Ckt mujhe lag raha hai tera motivation gir raha hai...chal dance bar chalte hai...manju ko kya nachti hai baap....